Təhlükəli yüklər dedikdə, biz insan sağlamlığına və ətraf mühitə ziyan vura biləcək istənilən maddələri başa düşürük: yanacaq maddələri, qazma şlamları, lay suları, yağlı sular və s. Təhlükəli yüklərin daşınmasına cavabdeh komandamız təlim keçmiş, təcrübəli əməkdaşlardan ibarətdir.

Bu növ yüklərin daşınması üçün parkımızda ADR tipli (Təhlükəli yüklərin daşınmasına dair Avropa Birliyinin Sazişi) nəqliyyat vasitələrindən ibarət avtoparka, eləcədə də Azərbaycan Respublikası Fövqəladə Hallar Nazirliyi tərəfindən verilmiş və müvafiq qaydada təsdiqlənmiş lisenziya və şəhadətnamələrə sahibik.

Qeyd etmək lazımdır ki, “ Damla Trans Service” olaraq, biz zərərli maddələrin utilizasiya məsələsinə də çox ciddi diqqət yetiririk və bu tip yükləri birbaşa Azərbaycan Respublikasının müvafiq səlahiyyələr tərəfindən müəyyən edilmiş utilizasiya məntəqələrinə çatdırırıq.

“ Damla Trans Service” şirkəti aşağıdakı təhlükəsiz yüklərin daşınmasında yetərincə səriştə və bacarığa malikdir: müxtəlif növ sənaye avadanlıqları, metal və metal qurğuları, tərəfdaş şirkətlərdən sənaye tullantıları və s. Həyata keçirdiyimiz bütün növ daşımalarda olduğu kimi, təhlükəsiz yüklərin daşınmasında da sahib olduğumuz səriştə və peşəkarlığımızı əsirgəmir, sifarişçinin qarşıya qoyduğu meyarlara cavab verməyə çalışırıq.

Konteyner daşımaları enerji və maliyyə resurslarına qənaət baxımından ən optimal yükdaşıma növüdür. Bu tip daşımalar əlavə anbar sahəsinin və işçi qüvvəsinin cəlb olunmasını xeyli azaltmağa imkan verir.

“ Damla Trans Service” olaraq, biz 20, 35, 40 futluq və açıla bilən tent örtüklü konteyner daşımaları həyata keçiririk. Malik olduğumuz maddi-texniki baza və insan resursları imkan verir ki, bütün bu logistik xidmətləri həm ölkə daxilində, həm də TİR əsaslı beynəlxalq daşımalarda həyata keçirək.

Konteyner daşınmaları zamanı biz xüsusi texnikalarla standart konteynerləri nəql edilirik. KRONE və SCHMİDT tipli multi-funksional konteyner şassilərimiz müasir daşınmaların ən son tələblərinə cavab verir. Bir sözlə, we offer the wide range of shipment from inbound to final destination.

Şirkətimizin anqar sahələri Bakı şəhəri ərazisindən birbaşa çıxışlarda, neft və qaz sənayesi sahələrinə yaxın ərazidə, Azərbaycan Respublikasının Şimal və Cənub yollarının qovşağında yerləşməklə çox əlverişli coğrafi mövqeyə malikdir. 1000 kvadrat metrdən 2500 kvadrat metrədək sahəyə malik iritutumlu anqarlarımız bütün zəruri texniki parametrlərlə təchiz olunub:

• Müasir beynəlxalq standartlara cavab verən anbar və işçi obyektlər;
• Yanğından mühafizə sistemi;
• Fiber-optik internet xətti;
• 24/7 rejimində fəaliyyət göstərən sahə mühafizəsi;
• Ehtiyat su anbarı, elektrik enerjisi mənbələri.

“ Damla Trans Service” şirkəti yarımqoşqu ən geniş çeşidli texnikanın, konteyner şassisi və digər nəqliyyat vasitələrinin, eləcədə də onların qoşqu/yarımqoşqularının icarəsi xidmətlərini də təklif edir.

İcarəyə təklif etdiyimiz avtopark şirkətimizin bilavasitə balansında olan nəqliyyat vasitələrindən ibarətdir. Avtoparkımızda əsasən Mercedes, Volvo, MAN və Daf markaları olmaqla müxtəlif növ vakuum, badya daşıyan, qarmaqlı avtomobil, tanker tipli, platforma tipli, yüngül yük maşını, konteyner daşıyan və yanacaq daşıyan avtomaşınlar mövcuddur.

Şirkətimiz aşağıdakı növ texniki xidmətləri həyata keçirir: avtomaşınların hərəkət mexanizmlərinə, elektron sistemlərinə və ölçü qurğularına, hidravlika və pnevmatika sistemlərinə baxış, onların təmiri, eləcə də qəzaya uğramış nəqliyyat vasitələrinin bərpası.

Qeyd etmək yerinə düşər ki, biz çən avtomobillərinin təmiri sahəsində ixtisaslanmış ən tanınmış və ən təcrübəli Alman şirkətlərindən olan "Hendricks Reparatur & Service GmbH & Co." şirkətinin Azərbaycanda eksklüziv agentiyik.

Alman ekspertləri tərəfindən təlim keçmiş mütəxəssislərimiz yanacaq daşıyan maşınların elektron idarəetmə sistemlərinin və ölçü qurğularının quraşdırılması, hidravlik nasosların və idarəetmə qurğularının montajı işlərini yüksək səviyyədə yerinə yetirməyə qadirdir.

Bu istiqamətdə göstərdiyimiz fəaliyyət çərçivəsində geniş çeşidli ehtiyat hissələrinin birbaşa Almaniyadan təchiz olunmasını da öz öhdəmizə götürürük. Həmçinin, Almaniyadan xüsusi yanacaq daşıyan maşınların müştərilərimizin sifarişi əsasında Azərbaycana gətirilməsini də təmin edirik.

Əziz dostlar!

Şirkətimizin SƏTƏM siyasəti, ətraf mühitə və insan həyatına mənfi təsiri minimuma endirməklə, şirkət daxilindəki və təbiət qarşısındakı öhdəliklərimizi əks etdirir.

Sağlamlıq, əməyin təhlükəsizliyi, ətraf mühitə təsirlərin effektiv idarə olunması əldə etdiyimiz uğurun başlıca amillərindən biridir. Məhz bu səbəbdən də Sağlamlıq, Təhlükəsizlik və Ətraf Mühitlə bağlı proseduraların tətbiqi prosesinə, digər sahələrə olduğu kimi, böyük diqqət və qayğı ilə yanaşırıq.

Əməkdaşların sağlamlığı, onlara təhlükəsiz iş şəraitinin yaradılması üçün aşağıda sadalanan SƏTƏM istiqamətlərinə daima nəzarət edir, müvafiq layihələrin yüksək səviyyədə icrası məqsədilə əzmlə çalışırıq:

• İşçilərin SƏTƏM sahəsində bilik və bacarıqlarının artırılması;
• Baş verə biləcək bütün xoşagəlməz hadisələri əvvəlcədən araşdır-maq, təhlil etmək və qarşısını almaq üçün zəruri tədbirlərin görülməsi;
• Gündəlik fəaliyyətdə müvafiq hüquqi standart və normativlərə riayət olunmasının təmin edilməsi;
• Əməkdaşlarımızın SƏTƏM ilə bağlı sahib olduqları öhdəliklərə tam yiyələnməsinin təmin olunması;
• Fəaliyyətimiz nəticəsində ətraf mühitə dəyə biləcək mənfi təsirin maksimum dərəcədə azaldılması, dəymiş ziyanların aradan qaldırılması.

Əziz dostlar!

2006-cı ildə şirkətimiz ölkəmizin neft və nəqliyyat sektorunda işə başlayarkən, bizim ilk öncə bir məqsədimiz var idi: etibarlı və məsuliyyətli podratçı adını qazanmaq. Bu gün qürur hissi ilə deyə bilərik ki, öz məqsədimizə nail olmuşuq.

Son illər, yəni Əsrin Müqaviləsi üzrə hasilatın pay bölgüsündə iştirak edən şirkətlərin tərəfdaşı olduğumuz müddətdə qazandığımız uğurlar partnyor və müştərilərimizin sayının artmasına, beynəlxalq etibar və mötəbər status qazanmağımızla nəticələnmişdir.

Şirkətimiz, "ACDİ" təşkilatının Xəzəryanı bölgələrdə təşkil etdiyi Sahibkarlığın İnkişafına dair Təlim proqramında müvəffəqiyyətlə iştirak etmiş, eləcə də sənədləşdirmə və digər idarəetmə sistemlərinin hərtərəfli audit yoxlanışından keçmişdir.

Bu gün " Damla Trans Service" Azərbaycan Respublikası Dövlət Neft Şirkəti (SOCAR), "BP Exploration Caspian Sea Ltd.", DrillTec Azərbaycan, "BM Logitics","CTS Agro", "Hendricks Reparatur & Service GmbH" (Almaniya) və "AJC Industrial" kimi şirkətlərlə əməkdaşlıq edir. Biz təhlükəli, təhlükəsiz, bərk və maye tipli yüklərin daşınması üzrə layihə və təkliflərin təqdim olunmasını nəzərdə tutan bir neçə irimiqyaslı tenderlərdə uğur qazanmışıq və hazırda da müvafiq müqavilələrə dair üzərimizə götürdüyümüz öhdəlikləri müvəffəqiyyətlə həyata keçirməkdəyik.

Daim genişlənən və yeni fəaliyyət sahələri yaradan şirkətimiz yüksək ixtisaslı işçi heyyətinə malik olmaqla yanaşı bütün zəruri texniki resurslara da malikdir. " Damla Trans Service" şirkətinin məqsədi – göstərdiyi logistika xidmətləri üzrə müasir beynəlxalq standartlara riayət etməklə daim inkişafa doğru irəliləməkdir.

Bu çətin amma şərəfli yolda bizə dəyərli etimadlarını göstərən bütün tərəfdaş və müştərilərimizə öz təşəkkürümüzü bildiririk!